كان "إيلون ماسك" (مول شركة تيسلا) حلف حتى يخيط شورطات قصار ويبيعهم باش يحتفل بالفوز على المنتقدين ديالو لي قالو أن شركة تيسلا كتنجح بسبب استراتيجية (البيع على المكشوف Short selling).. والبارح وفى بالكلمة ديالو (الرجل هو الكلمة) وعرض واحد العدد ديال الشورطات للبيع على عليهم اللوغو ديال تيسلا فالمتجر الإلكتروني...
الدفعة الأولى المحدودة ديال هاد الشورطات وصل الثمن ديالها ل70 دولار تقريبا للبياسة.. زعما راه الأسهم ديال تيسلا طالعة فالسوق !! ووصلت العام لي فات نسبة 420% ديال الارتفاع..
كتبوا فالسيت ديالهم على هاد المنتوج: "احتفل بالصيف مع شورطات تيسلا.. جري بحال الريح.. واستمتع بثوب الحرير فالأحمر والذهبي"
ماسك لاح واحد التغريدة فتويتر جابت 60 ألف إعجاب قال فيها: "السيت ديالنا تبلوكا" بسبب النفاذ والطلب على المنتوج الكثير زعما !!
وهاد العام طلعات الأسهم ديال شركة تيسلا بنسبة 189%..
